<County: Warwickshire>
<Code: L8000>
<MS reference: Oxford, Bodleian Library, Laud Misc. 321>
<Text: Rolle, Psalter>
<Tranche 1>
<fol. 5r>ensample he þt synneþ not in his tonge is a+perfite
man : þat his lef schal not renne doun ¶ <lat></lat>
<lat></lat>
<lat></lat> ¶ not so wickide men
not so : but as dust þat þe wynde casteþ fro þe
face of þe erþe ¶ Here he departiþ euel men fro crist
& fro al þe companye of alle goode men . & seiþ : not
so wickide vnbuxum to god . not so stedefaste in
godes lawe . but as dust þat is þei are drieed wiþ
oute wetynge of grace : li3t to assente to eche temp
tacioun þe whiche is pride þat hygheþ hem & blo
wiþ hem as wynde doþ þe duste fro þe face of þe
erþe þat is fro þe presence of endeles stabulnisse . þt
norischeþ oure soule . as þe erþe doþ oure bodies
<lat></lat>
<lat></lat> ¶ þerfore wickide men
risen not in dome : ne synful men in counseil of ri3t
wyse ¶ þerfore þei þat are to-driue þorou pride fro
god in-to þe deueles seruyse . þei rise not in dome .
þat is : to deme hem silf in gostly rysynge fro synne .
þorwe penaunce . ne þei rise not in reed of ri3twise .
þat is . þei wol not sette goddis wille : bi-fore here
wille . ne make amendes to hem þat þai han doon
wronge . þat ri3twise men hem reden . 3if we speke
of þe laste day of dome / wickide schulen not rise
in dome for to deme : but for to be demed and damp
ned / and vnderstonde þat in þe dome schulen be
foure orderes oon schal be þt schule deme & not be
<fol. 5v>demed : as apostelis & oþer parfit men ¶ þt oþer
schal nouþer deme ne be demed . as heþene men .
for here dampnacioun is knowen . vn-to holy chir
che for þei þat trowen not : þanne þei ben demed .
and þei þat synne wiþ-oute lawe : þei schulen wiþ
oute lawe perische ¶ þe þride schal be demed & be
saf : as þoo þat are good weddede men & byen hem
heuene wiþ almesse dede : and oþer þat doon pe
naunce for her synne : but þei <exp>conaunce ?</exp> connne
not come in-to perfite lif ¶ þe fowrþe schal be demed
& dampnid : as false cristen men . þat han þe trouþe
of ihesu crist wiþ-outen loue & goode werkis . þei sch
ulen be greuouslier dampned . þan heþene men .
for þe vmbraydynge of crist : þat þei wolde not
loue hym . þat so miche goodnesse dide to hem . &
þat schal greue hem more þan any man may
þenke ¶ but heþen men schulen vilier be dampned :
for þei schulen wiþ-owten dome be dampned ¶ <lat></lat>
<lat></lat>
<lat></lat> ¶ For þe lord knewe þe weye of ri3twise :
and þe gate of þe wickide schal perche ¶ As who
seiþ . wickide schal not rise wiþ halwes in dome ne
in ioye of heuene . þat to holy men is counsel : for
god loueþ þe weye þat is þe werkis of þe ri3twise
and rewardiþ hem in blisse / . and þe werke of
wikkide he hateþ . wherfore þe wikkede man <add><different hand>schal</add>
perische in his synne
<fol. 6r><lat></lat>
<lat></lat> ¶ whi gnastide þe
geus : and þe folke þou3te veyn þou3
tes ¶ þe prophete snybbynge hem þat turmentide
crist . seiþ whi what enchesoun hadde 3ee : as whom
seiþ noon þe geus þoo were þe kny3tis of roome
þat cr+ucefiede crist : gnastide as bestis wiþ-outen
resoun . And soo folke ; þei were þe iewis þou3te
veynˆ[e] þou3tis . þat was to holde crist deed ˆ <mrg>in</mrg> sepulcre .
þat my3te þei not don þere-fore in veyn þei traueld <lat></lat>
<lat></lat>
<lat></lat> So stonden þe kyngis of erþe and princes
camen to-gedire in-to oon a3ens þe lord & a3eins
crist ¶ not oonly folke & geus risen a3eines crist
but also þe kyngis : þat was heroude þat slowe
innocences : and þat oþer heroude his sone . þt
ascented in cristis deeþ . & princes anna & cayphas .
þe whiche weren princes of prestis . assenteden in
a wikkide wille & foule presumpcioun . þe kyngis of
erthe camen to-gedire a3eyn þe kyng of heuene
for þei camen a3eynes his crist ihesu his sone
¶ And now kynges & princes of erþe : comen
in oon a3eins crist : whanne þei do or suffre
vn-ri3twisnisse in her londe & putten men
in dignitees of holi chirche yat are vn
worþi / gostly to speke geus are wikkede
þou3tis . folke . ydel þou3tis / þanne þis geus
gnastiþ . whanne flechsly 3ernynges risen
<fol. 6v>a3eynes skile . & folke yenken idel þou3tis . wh
en þoo þat schulden 3eue hem holly to goddis
loue studien in vanitees & sotillen hem in suche
þyngis : þat drawen hem fro þou3t of heuene .
in-to worldes bisynesse ¶ þenne þe kyngis of
erþe stonden to hem ; þei ar fendis þat bigile
wricchede soulis . whenne þei 3euen hem to any
erþely þyngis and þanne princes comen a3eyne
þe fadir of heuene and his sone to putte oute
god of mannes soule . and make þere þe deueles
reste ¶ <lat></lat>
<lat></lat> Breke we þe bondus of þoo
and caste we fer fro vs þe 3ok of hem ¶ As who
seiþ þus þei reisen a3eyn crist & manes soule :
but we þat drawen to heuene ward . breke we
here bondes : þat is dispise we her~ blaundischyng
es & her manasse & caste we fer fro vs here 3ok .
þat is here lordschip so þat fendes haue no ma
ystry ouer vs ¶ <lat></lat>
<lat></lat> He þat dwelleþ in he
uene schal dryue to scorne þoo : and þe lord schal
scorne hem ¶ wel ou3te vs to breke here bondes
of couetise : & yvel drede þat byndiþ men in
synne ; fro god þt dwelleþ in heuene þat is in
holy soulis and aungelis schulen schewe alle þoo
worþi scorne & heþing : þat now ar deseyuid
þorou couetise of þe deuel . & kyndlynge of her
flechs of her hey3-nysse of þe world ¶ <lat></lat>
<fol. 7r><lat></lat>
<lat></lat> Þanne he schal speke to hem in his
wraþþe ; and in his wodnesse he schal stroble hem
wite 3ee wel þat god is nouþer wroth ne wood ; but
his ire is ri3twisse peine : þat he doþ on synful men :
& to hem þat he dampneþ to helle / he makiþ hem as þei
were for turment wood . so þt þei witen of nou3te but
of sorowe & peyne . & þerfore whanne he vengeþ hym ;
his veniaunce is cleped wodnisse : for he spariþ no more
þan a wood man doþ . þat doþ al þe yuel þat he may
and ˆ <mrg><other hand>certes no þinge</mrg> is he to wite þenne . whanne he schal make he
þynge at hem . he schal speke to hem in his wraþþe . þat
speche schal be vpbreydynge . þat þei wolde not do
his by<exp>n</exp>ddynge now he is stille and suffreþ ; þanne he
schal speke & punische & in his woodnesse : þat is in
his vertu in þe whiche <3 words partially rubbed out> he vengeþ ri3t
wisly . he schal sturbule hem . þat is ; he schal reue
hem al her bri3tnesse and her ioie and 3eue hem to
brenne in endeles fire ¶ <lat></lat>
<lat></lat>
<lat></lat> ¶ But j am stabuled kyng of hym on syon
his hooli hil ; prechynge his comaundementis ¶ þus
schul þei be dampned . but y seide crist whos 3oke
þei loueden not to bere y am set kyng of my fader of
syon . þat is contemplatif men . þe whiche han þe ey3e
of here herte euere to heuene his hooli hylle : for þei
aren faste & hei3e in vertues . prechchynge his comaun
dement . þat is charite þe whiche speciali he comaundeþ
<fol. 7v>and þat most is holy mennes techynge . þat men
loue god <lat></lat>
<lat></lat> Lord seide to me mi sone art þou : þis dai .
J . gate þee ¶ here he seiþ þat þe sone is of þe fader
wiþ-owten biginnynge & euene to hym in godhed
for þis day by tokneþ presence . not tyme þat is gone
or tyme þat is to come . & þe lastyngnesse of god is
eueremore al at onus <lat></lat>
<lat></lat>
<lat></lat> Aske of me & y schal 3eue to þee geus
þyn heritage & þi possessioun termes of þe erþe
¶ þou art my sone by kynde as noon oþer is .
þerefore aske of me . þat is : be buxun sufferynge
& doynge . þat þou may soo aske wiþ dede ¶ þis
askynge falleþ to his manhed . in þe whiche he
diede for vs . and so wan vs . & þat is þat he seiþ
<Tranche 2>
<fol. 22v>for no man may be excused for he can it not : he haþ
redied it bi hooly mennes expounynge . whiche
3ee dispise þorou3 3oure wickide lyuynge / and
hooly lore 3ee setten at nou3t / for it contrarieþ
3our lyuynge / but hooly writ is moste to loue
and to folowe . for it is eche mannes myrrour <gap> t
<lat></lat> And þer-inne he haþ
redied vessellis of deeþ his arowes brennyng he
haþ made <smudge> þat is goddis worde þe whiche sleeþ
scheringe men from synne / and makiþ hem lyuyng
to god / and his arowes . þat is his scharpe sentence
þirllynge mennes hertis : he made to hem knowen
þat beeþ brennynge in his loue . alle trewe expounnyng
chaufeþ hem þat louen god : but goddis worde abo
ue al+oþer . / brenneþ hem in þe fuyre of charite . and
suche may saye þat þei beþ woundid parfitly in chari
te : þat can seche & fynde þe loue of crist þere whare
it is : for no-þyng may lette . suche men of her loue
but for mony spekiþ & hereþ goddis worde . þat wile
not life þer-after but 3eeueþ hem to coueytise . & lust :
he seiþ <gap> <lat></lat> loo he bryngeþ
forþ vnri3twisenes : he haþ conceyued sorowe and
bare wickidnes : / He conceyued of þe deuel sorowe
þat is aperpitit of erþeli goodis . þei beþ wel cleped
sorowe for coueitise men haueþ muche sorowe . in þe
getynge & in þe holdyng of hem and most in þe leuyng
ricchesse is þe seed of þe whiche wickidnes springiþ
for þorou3 þe geetynge of hem : mony man discey
<fol. 23r>ueþ his nei3bores for alle bisines þat is not helpynge
to þe loue of god . harmeþ boþe þe door & þe knower . /
and for þi coueytise schulde be fleed : for it is roote .
of alle manere of synnes / and for þi þe coueitose man
<lat></lat> The lake he opened and vp
dalf hit : and he fel in þe put þat he made : openynge
of þe lake is whanne a+man haþ conceyued sorowe of
coueitise and þinkiþ to bigyle his nei3bore . ouþer bi
fraude . or bi euyle ensample . he vp-delffeþ it . whan
ne he wayte<?> al þat he may to do in dede his synne
neiþer lettynge for dreed of god : ne for mannes+loue :
but he falliþ in-to þe put þat he maade / for eche
a+gilour is firste hurt in his owne soule . or he may
noye eny oþer in word or in dede and þanne <lat></lat>
<lat></lat> ¶ þe sorowe of hym schal be
torned in his heued . and in-to þe fortop of hym : his
wickidnes schal desende ¶ That is þe sorowe fo þt
he haþ conseiued schal be turned in his þou3te /
and his wickednes in his resoun for he wolde not
flee synne . but lickid to be seruaunt to synne so þt
his so þt his synne weyeþ him doun : & he mey neuer
rise to blisful knowynge of goddis wille . but he
was wel y-sette . þat hated synne . & may say <lat></lat>
<lat></lat> ¶ J schal sc[h]riue to oure lord after
his greete mercy / and y schal synge to þe name of
þe hi3este lord ¶ false men descendin wiþ here synne
to helle but J seie þe ri3twisse man schal schryue
to oure lord þat is : he schal loue & preise oure lord
<fol. 23v>god . wiþ alle his my3te : after his ri3wisenes : and for
his ri3twisnes / for his schrifte is not of synne / but
of þe preisynge of goddis ri3twisnes . þat saueþ
ri3tewise men and punysche yuel men . for here
malice : and y schal synge to þe maine of my god .
lord . þt is . y schal preise þe name of ihesu in myn
herte : & schewe it in werke . / deuoute syngynge in
herte for loue . bringeþ a+man to greete Joye / suche
a synner . þou3e he were doumbe : þat loueþ & prei
seþ deuoutly / and lastynge þe name of ihesu feliþ in
þe name of ihesu more joye . þanne any man can telle
<lat></lat>
<lat></lat>
Lord oure lord . what þin name is wonder
fulle in al þe erþe ¶ The prophete in greete preisyng
of þe name of god / bigynneþ and seiþ : lord of alle
þou art . and specialy oure lord þt dreden þe . & loue
þe name of þee / . þat is þe ioye & þe fame of þin na
me ihesu . for alle creatoures þat þou hast maade &
bou3te / þe whiche kepede þi biddynge þou bryng
est to endeles Joye : and so þin name is wonderful /
as to mannes knowynge . for no man sufficeþ to
knowe how alle creatoures in alle parties of þe
erþe in þe whiche men wondriþ preiseþ þyn na
me ihesu . <lat></lat> ¶ For lifted is
þi worschipe aboue heuenes . þat is þou art
more worþi to be loued and preisid : þan any
aungel or hooly soule can þenke : <lat></lat>
<fol. 24r><lat></lat> ¶ of þe mouþ of not spekyng
and soukynge / þou hast y-made preisynge : for
þin enemyes þat þou distruye þe enemye & þe ven
ger ¶ þat is þou arte not preisid of parfit men .
but of þe mouþ of children þat speken not . þese
be . þo þat can not ne wile not . for þi loue : speke
þe wisdom of þe world & greetly þou art preisid
of soukynge þe whiche gladly resceyueþ þe trewe
lore of hooly chirche / þe whiche scheweþ ri3t bileue
¶ he preisiþ not hem þat for drede . or fauer or wyn
nynge of hem : resceyueþ þe lore of hem . þat fal
sely haþ þe name of men of holy chirche : but he
is preised wiþ euere lastynge preisynge . þat recey
ueþ þe lore of crist . þe whiche in heuene & in erþe
is heued of al hooly chirche : and geten to hym &
maad perfite membres to his preisynge . apostlis
and trewe doctoures of his lawe ; þe whiche hauen
tau3te it & euere-more schal þoru3 wurchynge þer
of to whom he haþ bedyn eche man . as to his moder
obeysche . for þine enemyes wiþ al here vpbereres .
& consenteres : þou schalt schame & schende . and
specially to hem þat gloseþ and telleþ þi lawe after
here lustful lyuynge / and not after reson : for su
che þorou3 malice . & ypocrisie . beþ worse þan heþen
men . & þou distruyest þe enemye : þat is hym . þat
is wise . in his owne y3e : wile not be vnderlynge
to þi wille . þe whiche is schewed of þi foloweris .
& þe venger . þat is þou schalt distruye to his owne
<fol. 24v>schame . hym þt wile not assente to ye resoun of
þi word . but deffendiþ his synne : lastynge þere-inne
for suche oon as his werkis schewiþ / seiþ þt he
synneþ nou3te : or þt his synne is litil . or lasse þanne
oþere mennes : & he þat dooþ þus or spekiþ þus : purch
asiþ hym double wraþþe of god <lat></lat>
<lat></lat> ¶ For y schal see þyn heuennes wer
kis of þi fyngres : þe moone & þe sterres : þe whi
che þou haste y-foundid ¶ þou distreiest alle þat
beþ contrari to þee : but y þt is eche trewe louer
of crist . / counfortiþ hym to do þe wille of crist . for
alle suche schal see in lijf wiþ-outen ende : goddis
heuenes . þt is alle hooly angelis and apostlis wt
oþere seyntis . þe whiche beþ werkis of goddis fing
res . for þei beþ maad parfit : þorou3 þe holy gost .
by whom beþ seuene hooly 3iftis : 3ernynge of
goddis honde / þat is þorou3 his my3te he haþ con
fermed aungelis & seyntis in heuene in endeles
ioie : & y schal see þe mone . þt is hooly chirche
alle to-geder . and þe sterres . þat is eche ri3twise
man bi hym-silfe : reseiue ioye after his traueyl .
for þou hast groundid hem þorou3 loue . & parfite
charite . for þi <lat></lat> ¶ what is man
for þou art þenkynge of hym : or sone of man
for þou visitist hym ¶ As it were in despit he seiþ :
man erþely . & synful what is he : þat þou hast
mynde of hym : so fer from þee contrarynge þi
wille in synne : 3if þou 3euyste hem heele of