County: Bedfordshire
Code: D4120
Reference: Bedford, Bedfordshire and Luton Archives: TW572
Function: Lease




Thıs endento᷑ maıd þ^e xxvȷ day of Decemb ın þ^e yere of kyng Edwarde ıııȷ^te þe xı yere beres wıttnes
þ^t damme Margarete Pıkkerd Pores of Harwol w^t cōsent of aỻ hır Sustereȝ haıtħ grawnte
and to ferme lattyn to Joħn Hardwıke of þ^e ꝑıscħ of Sulbery ın þ^e cownte of Bukynghᷓm and to
Margarete hıs wıffe and þ^e hereȝ of þem aỻ þaır Londys and tenamentꝭ w^t aỻ man of app᷑tenᷓncꝭ
to þaır saıd londıs and tenementꝭ ın ony man ꝑtenyng · at þ^e day of makyng of þí^ȷs psentȝ ín
þaır hondıs beyng þ^t ıs to say ın þ^e saıd Sulbery · holenden · lycħcombe and Bragname to þ^e
ende of þe terme of thre score yere next folowyng þ^e date of þ^ıs psent wrytyng · payng yerly
þfor att two vsueỻ termeȝ xııȷ sx ıııȷ  þ^t ıs to say att our lady day þ^e Annūcıatıo and of Mıchaeỻ
mes w^t owt lon delay · of saıd Joħn and Margarete and þ hereȝ costeȝ to þ^e saıd pores and cōuent
to be brought and payde or to þaır successo᷑s · þ^e fırst day of payment begynyng att our lady day
þ^e annūcıatıo aft þ^e date of þ^es wrytyng next cōyng and ıf ıt happo þ^e saıd rent of xııȷ sx ıııȷ^d
to be behynde att ony day dew to be payd by þ^e space of sex wekys · þa ıt schaỻ be levfuỻ to
þ^e saıd pores and þ^e cōvent of harwol or to þaır atto᷑neys for reentre and to haue ayay aỻ þaır
saıd londeȝ and tenementꝭ w^t all þaır app᷑tenauntȝ and w^t aỻ man of gudeȝ þín founden to tyme
þ^e saıd pores and þ^e cōvent be fully ꝯtent and agreed of aỻ arrearageȝ and dewteȝ to þ ín ony
man ꝑtenyng · and aỻ man of chargeȝ and costeȝ to þ^e saıd teno᷑ ꝑtenyng aỻ þ^e tme afor
saıd þ^e saıd Joħn and Margarete and þaır hereȝ schaỻ opon þaır ow costeȝ beld and make on
newe house of íí bayıs w^t ın hır saıd tenement of Sulbery · and þ^e place suffıcıently so belded
w^t aỻ o reꝑacıons ın þ^e saıd tenement suffıcıently repared þ^e saıd Joħn and Margarete
and þaır hereȝ ın þ^e ende of þaır tmeȝ schaỻ wele and suffıcıently so leve Jn wıttnes herof
þ^e saıd Joħn and Margarete hıs wıff to one ꝑte of þ^ıs endento᷑ w^t þ^e saıd pores and cōvent
remaínyng haıtħ sett þaır sealleȝ Gyffe þ^e day and yere obow wryten ·