Implementering av simuleringsbasert helseutdanning

Simuleringsbasert opplæring blir i stadig større grad tatt i bruk for å forbetra eller utfylla tradisjonell undervisning og praksisopplæring slik at studentar blir betre førebudd på kliniske utfordringar. Likevel er ikkje bruken av slike undervisningsmetodar utbreidd blant helseutdanningar i Afrika sør for Sahara.

For å løysa identifiserte kunnskapshol i sjukepleie- og jordmorutdanning i Malawi og Tanzania, vil kapasitetsbygging innan simuleringsbasert utdanning ved universiteta og praksisfeltet vera ein nøkkelkomponent.

Det overordna målet for prosjektet er derfor å dela kunnskap om og implementera simuleringsbasert undervisning for å styrka kapasiteten og kvaliteten i sjukepleie- og jordmorutdanning i Malawi og Tanzania. Betre kompetanse blant vitskapleg tilsette og kliniske rettleiarar kan auka kvaliteten på helseutdanning og tenester i låg- og mellominntektsland.

Det skal òg utviklast eit system for å sikra berekraftig kapasitet på simuleringsbasert utdanning og forsking i Malawi og Tanzania, og styrka regionalt og internasjonalt samarbeid. Mellom anna vil prosjektet finansiera fire doktorgradsstudentar og seks masterstudentar, som igjen kan formidla kunnskap vidare til lærarar ved sjukepleiar- og jordmorutdanningar i landa.

Prosjektet har fått støtte frå Norad gjennom programmet NORHED II.

Deltakelse på SESAM-konferanse

Gertrude Mwalabu frå partnerinstitusjonen i Malawi heldt ein flott muntlig presentasjon om baseline knytt til simulering i Malawi. Ho sjarmerte alle med «come to Malawi and learn from us – you will like it».  Paulo Kidayi frå partnerinstitusjonen i Tanzania hadde eit E-poster-framlegg med data frå Tanzania, medan Bodil Bø heldt ein munnleg presentasjon med refleksjonar og preliminære analyser av prosjektet som no er halvvegs i prosjektperioden. Gertrude og Paulo knytta mange kontakter – deriblant med Jo Park-Ross,som har initiert eit nettverk for simulering i Afrika der dei begge blei invitert med. Ein flott konferanse med mange gode innlegg og litt tid til å vere turist i Praha.