Agnes Wigestrand Hoftun
Stipendiat i nordisk språkvitenskap
Kontakt
Telefon: 51834512
E-post: agnes.w.hoftun@uis.no
Organisasjonsenhet
Fakultet for utdanningsvitenskap og humaniora
Institutt for kultur- og språkvitenskap
Kort om meg
Eg er lingvist og tilsett som doktorgradsstipendiat i nordisk språkvitskap. I avhandlinga forskar eg på nynorskkompetanse hos nordiskstudentar, og eg undersøker òg korleis dei nyttar digitale ordbøker. Doktorgradsprosjektet mitt har eit mixed methods-design, med éin kvalitativ og éin kvantitativ studie. I den kvalitative studien undersøker eg korleis eit utval studentar bruker digitale hjelpemiddel (særleg ordbøker) når dei vurderer ein elevtekst og snakkar høgt om det dei tenker og gjer. Dessutan granskar eg den metalingvistiske kompetansen deira som kjem til syne i vurderingsarbeidet. I den kvantitative studien kartlegg eg normkompetansen hos nordiskstudentar ved fleire institusjonar. Innsiktene frå prosjektet kan vera nyttige i normeringsarbeidet, i utviklinga av norske ordbøker og andre hjelpemiddel, og i undervisning.
Eg underviser i eit bacheloremne om norsk språkstruktur og språkvariasjon og i eit masteremne i norsk som andrespråk. Eg leiar ei studentaktiv seminarrekke i nynorsk og ordbokbruk. Eg har òg fleire års erfaring innan andrespråksundervisning, både på NORINT-programmet (Norsk for internasjonale studentar) på UiS, hos Lingu Stavanger og som sjølvstendig næringsdrivande.
Frå tidlegare er eg utdanna master i nordisk og lesevitskap frå UiS, med ein bachelor i nordisk og engelsk frå UiS, med andrespråksemne frå UiB.
Faglege interesser
- grammatikk
- nynorsk rettskriving og normering
- ordbokbruk (dictionary use, consultation behavior)
- språklæring og språkleg medvit (language awareness)