Marte Cecilie Wilhelmsen Solheim er tildelt opprykk til professor i innovasjonsforsking på Handelshøgskolen ved UiS. Ho er ein ekspertrådgjevar for å fremme innovasjon gjennom mangfald og inkludering.
Solheim har studert ulike typar mangfald og ulike formar for innovasjon, og samanhengen mellom desse. Særleg har ho fokusert på rolla til utanlandsfødde arbeidstakarar og innovasjon & eksport, erfaringsbasert og utdanningsmangfald og innovasjon, og mangfaldsleiing.
Forskinga kombinerer innsikt frå organisasjonsteori, innovasjonsstudium og økonomisk geografi. Spesielt er ho interessert i å forstå korleis innovasjon skjer når ulik kunnskap møtast, og faktorane som påverker dette.
Den siste tida har ho utvikla sin forskingsagenda om innovasjon og fordjupa seg i strategiar på bedriftsnivå i krisetider, inspirert av engasjement i fleire forskingsprosjekt som undersøker innovasjon under Covid-19. I tillegg har ho nyleg undersøkt entreprenørskap, med særleg fokus på entreprenørskap frå innvandrarar.
Aktiv i den offentlege debatten
Marte C. W. Solheim
Solheim har flere ganger engasjert seg aktivt i den offentlege debatten om migrasjon, mangfald og innovasjonsrelaterte spørsmål i Noreg, og har vorte invitert til å tale på nasjonale mangfaldskonferanser. Ho har blitt tildelt Stavanger Næringsforenings Kompetansedelingspris for 2021.
Ho har skrive ei rekke kronikkar til regionale, nasjonale og internasjonale medium, og er fast gjesteskribent i Stavanger Aftenblad. Ho har dukka opp på nasjonale og lokale TV-kanalar, og har fleire gongar skrive for magasin og andre mediehus. Ho står også bak fleire artiklar som fokuserer på viktigheita av forskingsformidling, i blant anna London School of Economics Impact Blog, Forskerforum og Khrono.
I tillegg til å vere ny professor på Handelshøgskolen ved UiS er ho også leiar av Senter for Innovasjonsforsking, ambassadør for Regional Studies Association, og medlem av Akademiet for yngre forskere.
Aktuelt frå Handelshøgskolen ved UiS
Ola Kvaløy utnevnt til utvalg om sirkulær økonomi
Regjeringen setter ned en ekspertgruppe for å se på virkemidler for å redusere ressursbruken og bidra til en mer sirkulæ...
Senter for innovasjonsforskning opprettes som forskningssenter i fem nye år
Det nåværende senterets funksjonstid utløp den 31. desember 2023. Søknaden om å etablere senteret på ny ble godkjent av ...
Menn og yngre har høyest lederambisjoner blant sykepleiere
Ledere som støtter, lytter og verdsetter ansatte er svært viktig for sykepleieres ambisjoner om videre karrierevalg i he...
