Rein energi og grøn omstilling er tema under UiS sin nye konferanse

Under «Clean Energy Law and Economics Conference» får ein lære meir om lover, politikk og økonomiske hensyn ved produksjon av rein elektrisitet i Europa og USA.

Konferansen skal undersøke loven om fornybar energiproduksjon og økonomi på ein forståeleg måte. Fire panel skal diskutere solenergi, havvindopplevingar, investeringar i havvind, og grøne skattar og insentiv. Både norske og internasjonale ekspertar er blant deltakarane.

Produsere elektrisitet utan å skape utslepp

Grøn omstilling står sentralt i strategien til Universitetet i Stavanger fram mot 2030.
– Handelshøgskolen ved UiS ønsker å bruke denne konferansen som eit verktøy i å sette fokus på viktigheita av rein energi i den grøne omstillinga.

Det seier førsteamanuensis ved avdeling for regnskap og rettsvitskap på Handelshøgskolen ved UiS, Kristoffer Svendsen. Han står bak ideen og gjennomføringa av konferansen.

– Me kan bruke vår kompetanse og nettverk til å samle ekspertar innan jus, økonomi, finans og næringsliv til å sette fokus på kva som er viktig for at den grøne omstillinga kan akselerere. Målet med konferansen er å finne ut av kva som vert kravd for å raskast mogleg omstille oss til å produsere elektrisitet utan å skape utslepp, seier Svendsen.

Må lytte til ekspertane

Han seier òg at Handelshøgskolen og UiS kan få noko ut av dette.

– Ved å lytte til ekspertar kan me forstå korleis me kan utdanne studentar som næringslivet, politikken og akademia treng for å delta i den grøne omstillinga nasjonalt og internasjonalt.

Konferansen er for alle som er nysgjerrige på, ønsker å delta i, eller allereie er ein del av den grøne omstillinga.

– Me ønsker alle studentar og tilsette frå UiS, politikarar, næringsliv og utanlandske interessentar velkommen fredag 18. november til UiS, seier Svendsen.

Heile konferansen vil foregå på engelsk.