Handelshøgskolen UiS er på jakt etter dyktige og motiverte studentar som ønskjer å kombinere studiane med jobb hausten 2024. Søknadsfrist er 16. mai.
Som studentassistent kan du bidra til medstudentar sine læringsopplevingar på mange og viktige måtar, særleg ved å formidle fagstoffet frå eit studentperspektiv. Som student kan du kommunisere fagstoff med ein annan vinkling enn ein erfaren førelesar kan. De generelle tilbakemeldingane frå studentar er at bidraget frå studentassistentane er viktig for læringa.
Oppgåver for ein studentassistent kan inkludere å ha trefftid med studentane, arrangere seminar og gruppearbeid, tilrettelegge for lab-øvingar, gi tilbakemeldingar på innleveringar og registrere oppmøte på obligatoriske aktivitetar. Alt arbeidet er i samarbeid med og under rettleiing av fagansvarleg. Ettersom innhaldet i stillinga som studentassistent kan variere noko frå emne til emne, avtalast arbeidsoppgåver og tidsbruk direkte med fagleiar.
Me søkjer studentassistentar til følgjande emne
BØK108 Matematisk metode for økonomer (engelsk) BØK195 Grunnleggende regnskap og bedriftsøkonomi (norsk) BØK260 Corporate Finance (engelsk) BØK365 Intermediate microeconomics (engelsk) BØK385 Entrepreneurship and Business Plan (engelsk) BØK455 Internasjonal økonomi (engelsk)
BRV220 Erstatningsrett (norsk) BRV305 Velferdsrett (norsk) BRV350 Tingsrett (norsk) BRV360 Arbeidsrett (norsk)
MSB102 Business Decisions (engelsk) MSB103 Data Analytics (engelsk) MSB107 Microeconomics (engelsk) MSB108 Strategic Management (engelsk) MSB255 Supply Chain and Operations Management (norsk) MSB350 Environmental Economics (engelsk) MSB415 Sustainable Entrepreneurship (engelsk)
Studentar med erfaring frå studentassistentstillingar blir føretrekt framfor andre når vi skal rekruttere. Dette er fordi dei har relevant erfaring og har vist engasjement i studietida.
Kor mykje ein studentassistent jobbar gjennom resten av semesteret, avhenger av opplegget faglæraren lager i samarbeid med studentassistenten. Det kan variere frå nokre timar i eit par veker, til 10 timar kvar veke. Arbeidstimar inkluderer alltid både kontakttid med studentar og tid til førebuingar (t.d. førebuing til seminar og gjennomgang av oppgåver). Arbeidstid avtalast mellom studentassistenten og faglæraren, og godkjennast av dekan/programansvarleg. Som heiltidsstudent bør arbeidet ikkje overstige 10 timar per veke. Semesteret startar med eit oppstartsseminar som alle studentassistentar skal delta på.
Studentassistentar blir betalt på timebasis i samsvar med gjeldande statleg lønsregulativ. Bachelorstudenter: 206 kr pr time (lønnstrinn 32) Masterstudenter: 210 kr pr time (lønnstrinn 34)
Du må ha minst karakter B i emnet som du skal vere studentassistent i. Hvis du ikkje har tatt emnet tidlegare, vil faglærar gjere ei skjønnsmessig vurdering av dine kvalifikasjonar. Har du utdanning frå ein annan utdanningsinstitusjon, må du sende vitnemål med dokumentasjon på karakterar i dei emna du søkjer om å vere studentassistent i. Sendes på e-post til Cecilie E. Lund (cecilie.e.lund@uis.no). Marker i vitnemålet kva emne dette gjeld. Studentar som ikkje sender slik nødvendig dokumentasjon, blir ikkje vurdert. For å vere studentassistent på mastarkurs må du vere mastestudent på 2. året.
Alle studentassistentar får sluttattest.
Kvifor bli studentassistent?
Her er fem gode grunnar!
Arbeidsgjevarar ser ikkje berre på utdanning når dei rekrutterer. Korleis skil du deg ut frå andre nyutdanna med same utdanning? Ein jobb som studentassistent gjev deg relevant arbeidserfaring allereie før du er ferdig utdanna. Gjennom å kombinere jobb og studiar viser du òg at du er strukturert og at du har god arbeidskapasitet.
Det er ein deltidsstilling som kan kombinerast med å vere heiltidsstudent. Å ha vore studentassistent signaliserer nokre viktige kompetansar: Du er dyktig, engasjert og motivert. At du har vore studentassistent signaliserer at du gjerne tar ei utfordring og ikkje er redd for å kaste deg ut i noko nytt.
Det finst knapt nokon betre måte å lære på enn å lære bort. Ved å forklare fagstoff til medstudentar utviklar du sjølv ei djupare forståing av faget. Det stimulerer òg kreativiteten og kommunikasjonsevnene dine, sidan du må forhalde deg til studentar med ulik bakgrunn og kompetanse.
Dei aller fleste er ukomfortable med å presentere foran eit publikum. Men dette handlar om trening! Jo oftare du vågar å gå utanfor komfortsona di, desto større blir den. Du vil òg oppleve gleda av å sjå korleis medstudentar, på grunn av di hjelp, skjønar ein vanskeleg teori som du sjølv nyleg strevde med – og skjønte til slutt.
Som studentassistent får du moglegheita til å bygge viktige sosiale og faglege nettverk, sidan du samarbeider tett med førelesarane ved Handelshøgskolen. Gode samarbeidsevner verdsettes høgt i arbeidslivet.
